Бишкекте эне-баланы коляскасы менен кичиавтобуска салбай койгон №203 маршруттук каттамдын айдоочусуна чара көрүлөт.
Бул тууралуу Бишкек мэриясынын маалымат кызматы кабарлады.
«Бишкек мэриясынын шаардык транспорт башкармалыгы билдирүүсү боюнча, №203 маршруттук каттамды тейлеген «Совет Бригады» ЖЧКсынын башчысы шаардык транспорт башкармалыгына саат 11: 30га чакырылган. Учурда аталган каттамдын айдоочусуна карата чара көрүү боюнча иштер жүрүүдө»,-деп айтылат маалыматта.
Социалдык тармакта маршрутка айдоочусу жаш келинди кичинекей кызы менен коляскасы болгон үчүн маршруткага отургузбай, эшигин жаап, айдап кеткени жөнүндө видео тарады.