Орусия президенти Владимир Путин менен Беларусь президенти Александр Лукашенко 9-сентябрда Москвада жолугушат.
Анда эки өлкө өкмөттөрү даярдаган программалар, эл аралык маселелер жана мамлекеттердин мамилеси талкууланат.
Жолугушуудан кийин эки президент биргелешкен маалымат жыйын өткөрөт.
Бул кездешүү Лукашенко менен Путиндин 2021-жылдагы бешинчи жолугушуусу болот. Алардын биринчи жолугушуусу 22-февралда Сочиде, андан кийин 22-апрелде Москвада, 28-майда кайра Сочиде жана 13-июлда Санкт-Петербургда болгон.