Ооганстанда «Талибан» кыймылынын (Кыргызстан жана башка мамлекеттерде террордук деп таанылган уюм) башчысы Хайбатулла Ахундзада Ооганстандын жаңы өкмөтүн жетектейт.
«Ал (Хайбатулла Ахундзада) өкмөттү жетектейт. Буга эч кандай шек болбошу керек», — деген кыймылдын мүчөлөрүнүн бири Анамулла Самангани.
Буга чейин кыймыл жаңы өкмөттүн курамы тууралуу 3-сентябрда айтыларын билдирген.
Хайбатулла Ахундзада — молдо Омар (2013-жылы каза болгон деп айтылат) жана Ахтар Мансурдан (2016-жылы өлтүрүлгөн) кийинки талибдердин үчүнчү башчысы. Азыркы ордуна 2016-жылдын май айында келген. Аскер эмес, дин башчы катары айтылат.
Ахундзада Ооганстанга 29-августта кайтып келген.