Талас облусундагы «Манас ордо» улуттук комплексинде эгемендиктин 30 жылдыгына арналган «Урааным Манас» иш-чарасы өтүүдө. Бул тууралуу президенттин Талас облусундагы өкүлчүлүгүнөн билдиришти.
Анын алкагында 50гө жакын кол өнөрчү өздөрүнүн эмгектерин көргөзмөгө чыгарды. Кол өнөрчүлөр өз өнөрүн жаш муундарга үйрөтүү максатында мастер-класс өткөрүлдү.
Иш-чараны көрүүгө келген коноктор жана эл үчүн 80 боз үй тигилип, этношаарча уюштурулду.
«Урааным Манас» аталышындагы негизги маданий иш-чара кечки саат 20:00дө башталат. Ага президент Садыр Жапаров катышат.
Бул иш-чара майрамдык концерт менен коштолуп, соңунда салют атылат. Ал КТРК, республикалык жана облустук телеканалдарда жана социалдык тармактар аркылуу түз көрсөтүлөт.
