Кыргызстандын курамасы 2023-жылы өтө турган Азия Кубогунун тандоо оюндарына даярдык көрүү максатында бир нече жолдоштук беттеш өткөрөт. Бул тууралуу Кыргызстандын футбол бирикмесинен билдиришти.
Алгачкы жолдоштук беттеш Палестина курамасы менен болуп, ал 2-сентябрда Дөлөн Өмүрзаков атындагы стадиондо өтмөкчү.
Оюнга күйөрмандар киргизилер-киргизилбеси, билеттердин сатылышы тууралуу маалымат жакында айтылат.
Белгилей кетсек, Азия Кубогу 2023-жылы Кытайда 16-июндан 16-июлга чейин болуп өтөт.
Футбол: Азия Кубогунун тандоо оюндары 2022-жылдын 1-февралында башталат