Эртең, 7-августта кыргызстандык жөө күлүк Дарья Маслова Токиодогу Олимпиада оюндарында марафондук аралыкка (42 чакырым 195 метр) чуркайт.
Жөө күлүктөрдүн жарышы Бишкек убактысы боюнча таңкы саат 4:00дө башталат. Ага 88 спортчу катышат.
Эскерте кетсек, Токиодогу Олимпиада оюндарына Кыргызстандан 16 спортчу кеткен. Алардын ичинен 15 спортчу жарыштарга катышып бүттү.
Учурда Кыргызстандын куржунунда 2 күмүш, 1 коло бар. Күмүш байгелерди Айсулуу Тыныбекова (62 кг) менен Акжол Махмудов (77 кг), ал эми коло медалды Мээрим Жуманазарова (68 кг) алды.
Олимпиада оюндары 8-августта жыйынтыкталып, жабылуу аземи өтөт.