Эртең, 7-августта Токиодогу Олимпиада оюндарына катышкан спортчулардын Кыргызстанга кайтып келишине карата Бишкектин «Ала-Тоо» аянтында салтанаттуу иш-чара уюштурулат.
Салтанат саат 13:00дө башталат. Анда Олимпиадага катышкан, байге алган спортчулар жана алардын машыктыруучулары эл менен жолугушат.
Иш-чара концерттик программа менен коштолот.
Бүгүн, 6-августта грек-рим жана кыз-келиндер күрөшү боюнча балбандар жана алардын машыктыруучулары Кыргызстанга жолго чыгышат.