Кытайда 5-июнга карата Коммунисттик партиянын мүчөлөрүнүн саны 95 млн 148 миңди түздү. Бул тууралуу аталган партиянын Борбордук комитетинин уюштуруу иштери боюнча бөлүмү билдиргенин «Синьхуа» агенттиги жазды.
Партиянын мүчөлөрүнүн саны 2019-жылдын соңуна караганда 3,5%га көбөйгөн. Ошол эле учурда Кытай Эл Республикасы негизделген жыл – 1949-жылга салыштырмалуу дээрлик 20 эсеге арткан.
Жыл башынан бери партияга 2 миллиондон ашык киши мүчө катары кирген.
Белгилей кетсек, Кытайдын Коммунисттик партиясы 1921-жылы 1-июлда негизделген.