Кыргызгидромет борборунун маалыматы боюнча, эртең, 18-июнда түнкүсүн Чүй облусунун тоолуу райондорунда, Ысык-Көл, Нарын облустарынын дыйканчылык аймактарында жаан жаайт, тоолуу райондорго кар түшөт.
Күндүз Чүй облусунун тоолуу райондорунда, Жалал-Абад, Ош облусунун тоо этектеринде, Ысык-Көл, Нарын облусунун көпчүлүк аймактарында жаан жаайт. Батыштан келген шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн 14…19, күндүз 30…35;
Талас облусунда түнкүсүн 12…17, күндүз 28…33;
Баткен, Ош, Жалал-Абад облустарында түнкүсүн 14…19, күндүз 32…37 градуска чейин көтөрүлөт;
Ысык-Көлдүн аймагында түнкүсүн 7…12, күндүз 22…27;
Нарын дубанында түнкүсүн 5…10, күндүз 20…25 градус жылуу болот.
Бишкек шаарында 18-июнда түнкүсүн жана күндүз жаан-чачын күтүлбөйт. Абанын температурасы түнкүсүн 17…19, күндүз 31…33 градус болот.