Борбор калаада эпидемиологиялык кырдаал курчуп, коронавирустун үчүнчү толкуну жүрүүдө. Бул тууралуу Бишкек шаарынын мэриясы билдирди.
Бүгүнкү күнгө карата Бишкекте 257 кишиден коронавирус табылган.
«Үй карантининде болгон жарандар үй-бүлөлүк дарыгерлердин көзөмөлүндө болууда. Бүгүнкү күнү 4 миң 802 адам дарыгерлердин көзөмөлүндө турат. Алардын ичинен 1 миң 801 адамдан коронавирус табылган (ооруну белгиси байкалбагандар же ооруну жеңил өткөрүп жаткандар). 3 миң 1 киши үй карантинине алынган», — деп билдирет мэрия.
Мэрия жарандарды беткап тагынып жүрүүгө жана санитардык эрежелерди сактоого чакырат.