19-июндан тарта Ташкент – Бишкек – Ташкент багыты боюнча учуулар дагы бир каттамга көбөйөт. Бул тууралуу «Манас» эл аралык аэропортунун маалымат кызматы билдирди.
Учурда аталган багыт боюнча жумасына үч жолу: дүйшөмбү, бейшемби, ишемби күндөрү учак каттайт. Бул учууларды «Узбекистон хаво йуллари» авиакомпаниясы тейлейт.
Мындан тышкары Turkish Airlines авиакомпаниясы тейлеген Бишкек – Стамбул – Бишкек багытына дагы кошумча каттамдар ачылат. Белгилей кетсек, аталган компания күнүнө эки жолудан, жумасына 14 каттам жүргүзүп турат.
Эске салсак, учурда «Манас» эл аралык аэропорту аркылуу Казакстан, Өзбекстан, Орусия , Түркия, Бириккен Араб Эмирлигине түз учууга болот.