Бүгүн, 25-майда таңкы саат 6 чамасында Ысык-Ата районунда унаа кырсыкка учурап, айдоочусу каза тапты. Бул тууралуу Өзгөчө кырдаалдар министрлиги билдирди.
Бишкек — Нарын — Торугарт унаа жолунун 49-чакырымында Ысык-Ата районунун тушунан «Хонда Одиссей» үлгүсүндөгү унаа жолдон оодарылып кеткен. Кырсыктын кесепетинен 1998-жылы туулган айдоочусу каза тапкан.
ӨКМдин куткаруучулары маркумдун сөөгүн унаадан чыгарып, ИИМ кызматкерлерине өткөзүп беришти.