Кыргызстандын Министрлер кабинетинин төрагасы Улукбек Марипов Өзбекстандын премьер-министри Абдулла Арипов менен телефон аркылуу сүйлөштү. Бул тууралуу Министрлер кабинетинен кабарлашты.
Анда Улукбек Марипов Абдулла Ариповду 60 жылдык юбилейи менен куттуктап, Өзбекстандын бакубат гүлдөп-өнүгүүсү үчүн жоопкерчиликтүү мамлекеттик кызматында ийгиликтерди каалады.
Ошондой эле эки тараптуу кызматташтыктын актуалдуу маселелери боюнча пикир алмашып, стратегиялык өнөктөштүк жана достук маанайдагы коңшулук мамилелерди чыңдоого жана кеңейтүү боюнча талкуулашты.