Кыргызстанда «Кыргыз ааламы» улуттук программасы иштелип чыгат. Бул тууралуу президент Садыр Жапаров кабарлап, долбоорго өзгөчө маани берилерин билдирди.
Президенттин айтымына караганда, бул долбоор — өлкөдө жана чет жакта жашаган кыргыздардын маданий интеграциясын бекемдөө, кыргыздар жашаган тарыхый аймактар менен маданий-экономикалык байланыштарын өнүктүрүүгө багытталган.
«Биз кыргыздардын дүйнөлүк курултайын өткөрүү тажрыйбасын жана кыргыз форумунун туруктуу иштөө механизмдерин жандандырабыз», — деди Садыр Жапаров.