Милициянын кайгуул кызматы тарабынан 3 айдын ичинде 88 миң 299 бузуулар жөнүндө протокол толтурулду. Бул тууралуу Милициянын кайгуул кызматынын басма сөз кызматы билдирди.
Маалыматка ылайык, ушул жылдын 1-чейрегинин жыйынтыгы менен Бишкек шаардык ички иштер башкармалыгы боюнча милициянын кайгуул кызматы тарабынан 88 миң 299 бузуулар жөнүндө протокол толтурулуп, бул көрсөткүч өткөн жылдын 3 айына салыштырмалуу 58 миң 504 протоколго көп болгон.
Алардын ичинен:
- Айдоочулук күбөлүгү жана тийиштүү документи жок унаа башкаруу — 1074;
- Мас болуп машина айдоо — 923;
- Унаанын алдыңкы жана каптал терезелерин атайын караңгылатуу -183;
- Тиешелүү макулдашуусу жок кайра жабдылган транспорттук каражатты башкаруу — 95;
- «Коопсуз шаар» долбоору боюнча — 1164 ;
- Авто ээнбаштык -15;
Ушул жылдын 3 ай ичинде түзүлгөн протоколдорго 121 млн 621 миң сом айып пул салынып, бүгүнкү күндө 26 млн 487 миң 430 сом өндүрүлгөн.