Чилиде 6 айлык ымыркай ойлонулбаган кокустуктан улам COVID-19 инфекциясына каршы «Sinovac Biotech» вакцинасы менен эмделди.
Кадимки эмдөөлөрүн сайдыртуу үчүн чилилик эне 6 айлык ымыркайын Био-Био аймагынын Тируа айылындагы үй-бүлөлүк ден соолук борборуна алып барганда, дарыгер адашып коронавируска каршы вакцина сайып алган. Бул жаңылыштыкты аталган медициналык мекемеде да моюндады.
Ымыркайдын үй-бүлөсүнө туура эмес эмдөө жүргүзүлгөндүгү жөнүндө маалымат берилип, наристе көзөмөлгө алынган. Азырынча ымыркайда эч кандай терс таасирлер байкала элек, окуя боюнча тергөө иштери жүрүп жатат.