«Президент Садыр Жапаров 3 же анда ашык баласы бар үй-бүлөлөргө 3 миң сом өлчөмүндө социалдык жөлөк пул төлөө жөнүндө жарлыкка кол койду» деген маалымат — жалган. Бул тууралуу Саламаттыкты сактоо жана социалдык өнүгүү министрлигинин маалымат кызматы тараткан билдирүүдө айтылат.
Эскерте кетсек, буга чейин социалдык тармактар жана WhatsApp аркылуу «3 же андан ашык баласы бар үй-бүлөлөргө жөлөк пул катары 3 миң сомдон жардам берилет экен» деген маалымат тараган.
Буга байланыштуу министрлик жарандардан туура эмес маалыматтарды жайылтпоону жана коомчулукту адаштырбоону суранат.