АКШ Борбор Азиядагы беш өлкө менен «U 5+1» форматындагы стратегиялык өнөктөштүктү тереңдетүүнү каалайт. Бул тууралуу АКШ президенти Жо Байден келе жаткан Нооруз майрамына карата Казакстан президенти Касым-Жомарт Токаевге жолдогон куттуктоосунда маалымдаган.
«U 5+1» диалогдук форматы 2015-жылы АКШ менен Борбор Азиядагы беш өлкө — Кыргызстан, Казакстан, Өзбекстан, Тажикстан, Түркмөнстандын ортосунда экономика, экология жана коопсуздук боюнча аймактык маселелерди биргелешип чечүү максатында түзүлгөн.
Жо Байден өзүнүн администрациясы мындан 6 жыл мурун АКШнын ошол кездеги мамлекеттик катчысы Жон Керринин катышуусунда кабыл алынган ушул жараянды андан ары да улантууга ниети бар экенин жазган.