Кыргызстандын Коргоо министрлигине Өзбекстан бир тик учак белекке берет. Бул тууралуу президент Садыр Жапаровдун Өзбекстанга болгон мамлекеттик иш сапарынын жыйынтыгы боюнча маалымат катчы Галина Байтеректин билдирүүсүндө айтылды.
Галина Байтерек: «Өзбек тарап Коргоо министрлигине кайтарымсыз негизде бир тик учак берип, дагы бирин оңдоп берүүгө макул экенин билдирди», — деди.
Азырынча авиатехника тууралуу толук маалымат берилген жок.
Байтерек кошумчалагандай, аскердик багыт боюнча кадрларды, тагыраагы, учкучтар менен байланышчыларды даярдоо маселеси каралган.