Бүгүн, 9-мартта борбор калаанын 3 конушунда таза суу убактылуу өчүрүлөт. Бул тууралуу шаардык мэриянын басма сөз кызматы билдирди.
Маалым болгондой, «Энесай» суу кампасындагы оңдоп-түзөө иштерине байланыштуу саат 09:00дөн 15:00гө чейин «Энесай», «Дордой-1» жана «Дордой-2» конуштарында суу өчүрүлөт, ошондой эле:
- №21 муниципалдык аймактык башкарууда;
- №2, 2а, 4 бала бакчаларында;
- №9 үй-бүлөлүк медицина борборунда;
- №20 китепканада;
- №6, №7 милиция бөлүмдөрүндө;
- «КУТ Монтаж Строй» ЖЧКсында
- «Ак-Илбирс» компаниясында;
- «Бегимай-Дордой» жеке бала бакчасында;
- Свердлов райондук коомдук-профилактикалык борборунда;
- «Дордой» №32в базарында таза суу болбойт.