Эки жаранга Москвага жасалма авиабилет саткан аял кармалды. Бул тууралуу Ош шаардык Ички иштер башкармалыгынын маалымат кызматы билдирди.
Ал 2 билетти 86 миң сомго сатып жиберген. Жасалма билеттин учуу күнү ушул жылдын 12-февралына белгиленген. Сатып алган жабырлануучулар билетте көрсөтүлгөн убакта аэропортко барышып, алданып калганын билишкен.
Кармалган аял 1998-жылы туулган Н.Н. аттуу жаран, үй-бүлөлүү, 2 баланын энеси. Ал мындай ишке карыздарынын көбөйүп кеткендигине байланыштуу баргандыгын айткан.
Учурда алдамчылык беренесинин белгилери менен сотко чейинки өндүрүш иши ачылып, иликтөө иштери жүрүп жатат. Шектүүнүн колунда жаш 2 баласы бар экендиги эске алынып, үй камагына чыгарылган.