Америка Кошмо Штаттары Сирияга сокку уруудан бир нече мүнөт мурун орус армиясына эскертүү берген. Бул тууралуу Орусиянын Тышкы иштер министри Сергей Лавров билдиргенин «ТАСС» агенттиги жазды.
«Биздин аскерлерге төрт-беш мүнөт мурун эскертүү берилген (аба чабуулунан мурун)», — деди Лавров.
Лавров ошондой эле Москва америкалык кесиптештеринен Сирияда туруктуу калуу пландары жөнүндө түздөн-түз сурай тургандыгын айтты.
Буга чейин Орусиянын Тышкы иштер министрлигинин өкүлү Мария Захарова АКШнын Сирияга жасаган соккусун сынга алган.