АКШнын Чикаго шаарында жакында Кыргыз маданий борбору үчүн атайын эки кабаттуу имарат ишке берилет. Бул тууралуу АКШда жашаган кыргызстандык Мирлан Мурзапазылов Фейсбук баракчасына жазды.
Маалыматта айтылгандай, учурда маданий борбор үчүн Чикаго шаарында имаратты алуу иштери аяктап калганы айтылат. Ошондой эле ачылуу убактысы тууралуу дагы кененирээк маалымат берилерин кошумчалаган. Чикагодогу Кыргыз маданий борбору буга чейин да иштеп келген.
Белгилей кетсек, расмий маалыматтар боюнча АКШда 5 миңден ашык кыргызстандык эмгектенет. Бейрасмий маалыматта Чикаго шаарынын өзүндө эле 5 миңден ашык кыргыздар бар экени айтылып келет.