Нарын облусунун Кочкор районунда 14-февралда «Бишкек-Нарын-Торугарт» унаа жолунун 170-чакырымында (Сары-Чат тилкеси) «Honda-Stepwgn» үлгүсүндөгү унаанын айдоочусу рулга ээ боло албай, жолдон чыгып кеткен. Бул тууралуу Өзгөчө кырдаалдар министрлигинин маалымат кызматы билдирди.
Маалыматка ылайык, унаадагы жалпы 7 адам ар кандай жеңил жаракат алып, Кочкор райондук ооруканасына тез жардам кызматы аркылуу жеткирилген.
Жерине куткаруучулар тартылып, тиешелүү жардамдарын беришкен.