Бүгүн, 8-февралдан тарта Кыргызстан менен Орусиянын ортосундагы авиакаттамдар көбөйтүлөт. Бул тууралуу Тышкы иштер министрлигинин басма сөз кызматы кабарлады.
Маалыматка караганда, эки өлкөнүн ортосундагы түз үзгүлтүксүз авиа байланыштын санын жумасына 6 каттамга чейин көбөйтүү тууралуу чечим кабыл алынды.
Кыргызстандын жарандары 8-февралдан тарта:
- Бишкектен Москва шаарына «Авиа Траффик Компани» авиакомпаниясынын 3 үзгүлтүксүз каттамы;
- «Аэрофлот- Российские Авиалинии» авиакомпаниясынын 3 үзгүлтүксүз авиакаттамы менен уча алышат.