Өкмөттүн жаңы курамында бир гана вице-премьер-министр болот. Бул тууралуу Жогорку Кеңештин вице-спикери Аида Касымалиева айтууда.
Көпчүлүк коалиция премьер-министрлик кызматка Эсептөө палатасынын төрагасы Улукбек Мариповду көрсөтөрү буга чейин маалым болгон. Ал эми биринчи вице-премьер-министр кызматына Артем Новиков сунушталат.
Өкмөттүн жаңы курамында башка өзгөрүү болбой турганы айтылып жатат.
Бүгүн, 1-февралда Жогорку Кеңештеги көпчүлүк коалиция өкмөттүн жаңы курамын дайындоо үчүн жыйынга чогулду.
Көпчүлүк коалиция сунуштаган талапкерлер парламенттин жалпы жыйынында талкууланат.