Мамлекеттик салык кызматы Бишкек, Ош шаарлары жана Талас облусундагы рейддик-салыктык көзөмөлдүн жүрүшүндө алкоголдук продукцияны сатуу максатында тийиштүү лицензиясыз жана уруксат берүүчү документтерсиз сактаган фактыларды аныктады.
Мекеменин маалымат кызматы кабарлагандай, мыйзамсыз жүгүртүүдөн ар кандай аталыштагы Бишкек жана Ош шаарларынан 2 миң 441 бөтөлкө, Талас облусунан 19 миң 937 бөтөлкө (жалпы 22 миң 378 бөтөлкө) алкоголдук продукция тартып алынды.
Ишкерлерге мыйзамга ылайык чаралар көрүлдү.