Вице-премьер-министрдин милдетин аткаруучу Максат Мамытканов Улуу Британиянын жана Түндүк Ирландиянын Кыргызстандагы Элчиси Чарльз Гаррет менен жолугушту.
Тараптар кыргыз-британ кызматташтыгын, анын ичинде мыйзам үстөмдүгү, коррупцияга каршы туруу, сөз эркиндиги, жашыл экономика жаатындагы маселелерди талкуулады.
2021-жылдын 1-12-ноябрында Шотландияда өтүүчү конференцияга катышуу маселеси талкууланды.
Максат Мамытканов 10-январда өткөн президенттик шайлоо жана референдум жогорку деңгээлдеги уюшкандык менен өткөндүгүн айтып берди.
Тараптар ошондой эле бардык деңгээлдеги кыргыз-британ байланыштарын жандандыруу, биргелешкен долбоорлорду ишке ашыруу тууралуу сүйлөшүштү.