Бишкекте 21-25-декабрь күндөрү КМШ мамлекеттеринин кино форуму өтөт. Бул тууралуу Маданият, маалымат жана туризм министрлиги кабарлады.
Иш-чаранын ачылышы 22-декабрда «Ала-Тоо» кинотеатрында болот. Ал КМШнын Мамлекеттер аралык гуманитардык кызматташтык фонду, Маданият, маалымат жана туризм министрлиги, жогорку окуу жайлар жана коомдук уюмдар тарабынан уюштурулат.
Ачылышында саат 11.00дө казакстандык режиссер Шарип Уразбаевдин «Марьям» тасмасы коюлат.
Ал эми 24-декабрда ушул иш-чаранын жабылышында орусиялык режиссер Максим Дашкиндин «Алыскы чекте» («На дальних рубежах») тасмасы көрсөтүлөт.