Дагы төрт талапкер президенттик шайлоого катышуудан баш тартып, документтерин артка кайтарып алды. Бул тууралуу Борбордук шайлоо комиссиясынын расмий сайты кабарлады.
Талапкерлер Жамбылбек Камчиев, Адилет Маматов, Азамат Эсенбеков, Бактыбек Жумагулов БШКга берген арызын кайтарып алды. Учурда президенттик шайлоого катыша турган 37 талапкер калды.
Буга чейин Садыр Жапаров, Бабыржан Тольбаев, Равшан Жээнбеков, Аймен Касенов кол топтоо баракчасын тапшырышты. Ал эми 14 талапкер 1 млн сомдук шайлоо күрөөсүн төктү.
Президенттик шайлоо 2021-жылдын 10-январында өтөт.