Эмгек жана социалдык өнүгүү министрлигинин үй-бүлөлүк зордук-зомбулуктан сактоо жана коргоо бөлүмүнүн башчысы Айкөл Тургунбаева «Маралга» берген маегинде үй-бүлөлүк зомбулукка кабылгандар кайрыла турган даректерди атады.
Анын маалыматына ылайык, үй-бүлөлүк зомбулукка кабылган жарандар:
- жашаган жери боюнча социалдык өнүгүү башкармалыктарына;
- кризистик борборлорго;
- Эмгек жана социалдык өнүгүү министрлигинин «111» кыска номуруна;
- Милиция кызматынын «102» кыска номуруна;
- Өзгөчө кырдаалдар министрлигинин «112» кыска номуруна кайрылууга тийиш.
«Эмгек жана социалдык өнүгүү министрлигинин сайтынан кризистик борборлордун даректерин жана телефон номурларын таба аласыздар», — дейт Тургунбаева.