Социалдык тармактарда Бишкек шаарынын үстүн кара түтүн каптап турган сүрөт тарады. Аны сүрөтчү Михаил Дудин 1-декабрда тарткан.
Бишкек шаарынын Экологиялык-техникалык коопсуздук инспекциясы жыл сайын кара түтүндүн алдын алуу чараларын көрүп келет. Быйыл да зыяндуу газ бөлүп чыгарган унааларга рейд жүргүзүү, калктуу жаңы конуштарга газ киргизүү иштери аткарылды.
Экологдор жасалып жаткан иштер алгылыктуу натыйжа бербей, бул маселеге комплекстүү чаралар көрүлбөй жатканын айтышат.