Анарбек Калматов Президенттин аппарат жетекчисинин орун басары, президенттин Жогорку Кеңештеги ыйгарым укуктуу өкүлү болуп дайындалды.
Тийиштүү Жарлыкка президенттин милдетин аткаруучу Талант Мамытов кол койду.
Анарбек Калматов буга чейин Президентке караштуу Ырайым кылуу маселелери боюнча комиссиянын жооптуу катчысы болуп иштеген.
Президенттин Жогорку Кеңештеги буга чейинки өкүлү Курманбек Дыйканбаев кызмат абалынан кыянаттык менен пайдаланууга шектелип, 24-ноябрда кармалган. Ал Бишкектин Биринчи май райондук сотунун чечими менен эки айга камакка алынды.