Казакстан Кыргызстанга гуманитардык жардам катары 400 жасалма дем алдыруучу аппарат жана 2 млн беткап берди. Бул тууралуу Тышкы иштер министрлиги кабарлады.
Гуманитардык жардамдын баасы 77,7 млн сомду түзөт.
Жасалма дем алдыруучу аппараттар менен беткаптар Бишкекке алып келинип, аны кыргыз тарапка тапшыруу иш-чарасы 26-ноябрь күнү өтөт.
«Кыргыз тарап көрсөтүлгөн жардам үчүн Казакстандын өкмөтүнө ыраазычылык билдирип, коронавируска каршы күрөштө көрсөтүп жаткан жардамын жогору баалайт», — деп билдирет министрлик.