«Футзал боюнча Кыргызстан курама командасы Тажикстан курама командасы менен жолдоштук беттеште тең ойноду», — деп билдирди Кыргызстандын Футбол биримдиги.
Беттеш 18-ноябрда Ташкентте (Өзбекстан) өтүп, 1: 1 эсебинде аяктады. Кыргызстан курама командасынан Юлдаш Салимбаев 6-мүнөттө гол киргизди.
Биринчи оюнда 17-ноябрда кыргызстандыктар Өзбекстан курама командасы менен ойноп, 1: 2 эсебинде утулуп калган.
Кийинки беттеш Амиржан Мукановдун командасы менен 20-ноябрда өтөт, атаандаш кайрадан Өзбекстан курама командасы болот.