Айсулуу Тыныбекова Варшавадагы «Poland Open» мелдешиндеги биринчи кармашында жеңишке жетти.
Ал орусиялык балбан кыз Ульяна Тукуренова менен күрөшүп, аны 12:3 эсебинде жеңип алды.
Мелдеш Польшанын Варшава шаарында 4-ноябрь күнү башталган. Ал 8-ноябрь күнү жыйынтыкталат.
Кыз-келиндер арасындагы кармаштар 6-7-ноябрь күндөрү болот. Ага Кыргызстандан Айсулуу Тыныбековадан тышкары Айпери Медет кызы (76 кг), Мээрим Жуманазарова (68 кг), Нураида Анаркулова (57 кг), Назира Марсбек кызы (59 кг) катышууда.