Ички иштер министринин мурдагы орун басары Курсан Асанов үй камагына чыкты. Бул тууралуу массалык маалымат каражаттары Асановдун жактоочусуна таянып жазды.
Маалыматка ылайык, Курсан Асанов 10-октябрда кармалган. Бишкектин Биринчи май райондук соту аны 10-декабрга чейин камакка алган. Ага 5-9-октябрдагы Бишкектеги массалык башаламандыктарга байланыштуу кылмыш иши козголгон болчу.
Генерал Курсан Асановдун баш коргоо чарасын өзгөртүү боюнча 2-ноябрда Бишкекте тынчтык митинги да болуп өткөн.