Кыргызстанда акыркы бир сутка ичинде COVID-19 илдетинен үч бейтап каза болду. Анын экөө Баткен облусунда, бирөө Жалал-Абад облусунда катталды. Пандемия башталгандан бери коронавирустан көз жумгандардын саны 1142ге жетти.
Өлкөдө 30-октябрга карата COVID-19 илдетинин 596 жаңы учуру катталды. Анын эң көбү Бишкек шаары менен Баткен облусунда аныкталды.
- Бишкек шаары — 136;
- Ош шаары — 23;
- Чүй облусу – 89;
- Ош облусу — 64;
- Талас облусу — 39;
- Нарын облусу — 7;
- Ысык-Көл облусу – 35;
- Жалал-Абад облусу – 91;
- Баткен облусу — 112.
Өлкөдө коронавирус жуктургандардын жалпы саны 58 миң 394кө жетти.
Ооруканаларда 3359 бейтап бар, алардын ичинен 90 адам өтө оор абалда. Үй шартындагы дарыланууда 3814 адам бар.