Кыргызстандын тышкы соода көлөмү 2020-жылдын январь-сентябрь айларында 3,5 млрд доллардан ашты. Бул 2019-жылдын январь-сентябрь айларына салыштырмалуу 22 пайызга төмөн. Бул тууралуу Улуттук статистикалык комитеттин маалымат кызматы кабарлады.
Ошол эле учурда экспорттун көлөмү 3,5 пайызга көбөйдү, ал эми импорт 31,6 пайызга кыскарды.
Быйыл 9 айда Кыргызстандын ЕАЭБге мүчө мамлекеттер менен соодасынын көлөмү 1,5 млрд долларды түздү. Бул 2019-жылдын январь-сентябрь айларына салыштырмалуу 19,4 пайызга аз.
ЕАЭБ өлкөлөрү менен экспорттук жөнөтүүлөр — 22 пайызга азайган, импорттук келип түшүүлөр — 18,6 пайызга төмөндөдү.
Кыргызстандын биримдик менен соодасынын эң чоң үлүшү Орусияга туура келет, ал 65,7 пайызды түзөт. Ошондой эле Казакстан менен соода алаканын көлөмү 32,3 пайызды түздү.