18-19-сентябрь күндөрү жол кырсыгынын алдын алуу, коомдук коопсуздукту жана жол эрежесин камсыз кылуу максатында жүргүзүлгөн алдын алуу иш-чарасынын жүрүшүндө Бишкекте 871 жол эрежесин бузуу катталган. Бул тууралуу Милициянын кайгуул кызматы билдирди.
Алардын ичинен:
- Мас абалында унаа башкаруу – 33;
- Терезелери караңгылатылган унаа каражаттарын башкаруу – 6;
- Документтери жок унаа башкаруу – 30;
- Ар кандай эреже бузуулар – 802.
Атайын айып унаа токтотуучу жайына 104 унаа токтотулган.
Бишкек шаары боюнча Милициянын кайгуул кызматы айдоочуларды жолдо сак болууга жана жол кыймылынын эрежесин так сактоого чакырат.