Билим берүү жана илим министрлиги жаңы окуу жылы башталганга чейин ар бир мектеп дирекциясы жана жергиликтүү бийлик менен биргеликте атайын мониторинг жүргүзүп, окуучулар арасында телевизор жана телефон жетишсиздиги боюнча сандарды аныктады.
Буга чейин төртүнчү чейректеги дистанттык окутуу мезгилинде министрлик муктаждыгы бар 3403 үй-бүлөнү телевизор менен камсыздаган.
Жаңы окуу жылынын башталышына чейин министрлик жергиликтүү бийлик жана демөөрчүлөрдүн жардамы менен дагы 1928 телевизор, 31 миң 143 смартфон алган.
Жаңы окуу жылынын башталышына карата телевизор жана уюлдук телефон жетишсиздиги боюнча облустар аралык статистика:
| Облус/шаар | Канча окуучунун үйүндѳ телевизору жок | Канча окуучунун ѳздүк уюлдук телефону жок |
| Талас облусу | 0 | 6113 |
| Ош облусу | 85 | 235 |
| Жалал-Абад облусу | 264 | 953 |
| Нарын облусу | 119 | 54 |
| Баткен облусу | 238 | 2392 |
| Ысык-Көл облусу | 544 | 1137 |
| Чүй облусу | 1994 | 12606 |
| Ош шаары | 0 | 193 |
| Бишкек шаары | 350 | 7717 |
| Республика боюнча | 3594 | 31400 |
Билим берүү жана илим министрлиги сыналгы жана смартфон жетишсиз болгон окуучуларга жардам берүү иштерин жергиликтүү бийлик менен демөөрчүлөрдүн жардамында жүргүзүүнү улантууда.