Кыргызстанда жөлөкпулдун жаңы түрү киргизилди, ал атасы менен апасы белгисиз болгон балдарга ай сайын төлөнөт. Бул тууралуу эмгек жана социалдык өнүктүрүү министри Улукбек Кочкоров билдирди.
Анын айтымында, учурда Кыргызстанда ата-апасы белгисиз болгон 42 бала бар.
«Жөлөкпул арыз түшкөн айдын кийинки айынан тарта бериле баштайт. Эгер арыз август айында түшсө, жөлөкпул 1-сентябрдан тарта бериле баштайт», — деди ал.
Министрдин айтымында, быйыл ал жөлөкпулдун төлөмдөрү үчүн 336 миң сом талап кылынат (ар бир балага 2 миң сомдон).
«Жылына ал жөлөкпулдун төлөмдөрү үчүн 1 млн сомго жакын каражат керектелет», — деди ал.