Өкмөттүн Ош облусундагы ыйгарым укуктуу өкүлү Узарбек Жылкыбаев кызматтан кетүү тууралуу арыз жазды. Бул тууралуу өкүлчүлүктүн басма сөз кызматы кабарлады.
Узарбек Жылкыбаев мындан аркы саясий ишмердүүлүгүн бийликтин мыйзам чыгаруу бутагында улантууну туура көргөнүн, парламенттик шайлоого катышарын жарыялады.
Узарбек Жылкыбаев өкмөттүн Ош облусундагы өкүлү болуп 2018-жылдын 25-июлунда дайындалган. Ал ага чейин өкмөттүн Ысык-Көл облусундагы өкүлү кызматын жетектеп келе жаткан. Кийин президенттин аймактык ротациялоо саясатына байланыштуу Ош облусуна которулган.