Бишкектин Ак-Ордо конушундагы Новопавловка айылында күндүзгү стационар ачылды. Ал жерге Жогорку Кеңештин төрагасы Дастанбек Жумабековдун колдоосу менен 25 койка-орун даярдалып, медициналык персонал жана тийиштүү жабдыктар берилди. Мындай маалыматты парламенттин басма сөз кызматы кабарлады.
Ал жерде иштеген медперсоналдын айлык акысын да Жогорку Кеңештин төрагасы каржылайт.
Жумабеков мындан тышкары, Кызыл-Аскердеги “Арал” кафесинин аймагына стационар ачууга көмөктөшкөн. Учурда анда 3 миңдей жаран медициналык жардам алышты.