Дары-дармектердин бааларын негизсиз кымбаттаткан учурлар, мыйзамсыз ташылып келген товарлар боюнча 27 факт катталды. Бул тууралуу премьер-министр Кубатбек Боронов онлайн маалымат жыйынында билдирди. Анын ичинде:
-медициналык каражаттардын (беткаптардын) баасын негизсиз кымбаттатканы үчүн 4 иш каралып жатат;
-мыйзамсыз ташып келүү боюнча 13 иш сотко чейинки өндүрүшкө алынды.
-кампаларда катып алып, дары-дармектердин жасалма тартыштыгын атайылап жасап жаткандар боюнча 2 иш ачылды. Кампаларда гепарин, левофлоксацин, азитромицин, физрастворлор, ингаверин, арбидол жана башка дарыларды катып жатышкан.
-дарыларды кымбат сатып жаткан алып сатарларга карата 8 факт Жоруктар кодекси боюнча өтүүдө.
Финансы полициясы тарабынан бааларды негизсиз кымбаттаткан дарыканаларга, мополисттик келишимдерди түзүп алган физикалык тараптарга, алып сатарларга карата чаралар күчөтүлөт.