Казак өкмөтү өлкө аймагында кайрадан карантин жарыялоону сунуштады. Бул тууралуу Казакстандын президенти Касым-Жомарт Токаев «Твиттер» баракчасына жазды.
Карантин 14 күнгө созулушу ыктымал. Карантинди киргизүү чарасы өлкөдө коронавирус оорусун жуктурган адамдардын саны өсүп жатканы менен байланыштуу болду.
—Өкмөт 5-июлдан баштап 14 күндүк карантин жарыялоону сунуштады. Узартылышы да мүмкүн. жыйындан кийин саламаттык сактоо министри түшүндүрмө берет, — деп жазган казак президенти.
Казакстандын Саламаттык сактоо министрлиги эгер эки апта карантин киргизилсе, жугузуп алгандардын саны күнүнө 7 миңге чейин жетерин болжолдоодо.