Кыргызстанда коронавирустан дагы бир киши каза тапты. Бул тууралуу Саламаттыкты сактоо министринин орун басары Мадамин Каратаев онлайн маалымат жыйынында кабарлады.
Жалал-Абад облусунун Тогуз-Торо жалпы дарыгерлер практикалоо борборунан 1971-жылы туулган 1 аял киши каза болду.
Коронавирус жуктуруп, өнөкөт оорулары күчөп каза болгондордун саны 43 кишини түздү.
Кыргызстанда 25-июнга карата 228 жаран коронавирус жуктурганы аныкталды. Өлкөдө коронавирус жуктурган учурлардын саны 3954кө жетти. Анын ичинен 2112 адам айыгып, 43 адам каза болду.