Жогорку Кеңештин аппаратынын дагы бир кызматкеринен COVID-19 илдети аныкталды. Бул тууралуу парламенттин маалымат кызматынын башчысы Ибраим Нуракун уулу билдирди.
Учурда вирус жуктурган кызматкер ооруканада дарыланып жатат.
Жогорку Кеңеште жалпысынан коронавирустун 6 учуру катталды. Алардын ичинен экөө депутат болсо, төртөө аппарат кызматкерлери.
Калган депутаттар жана аппарат кызматкерлери ПЦР-тесттен өтүүнү улантышууда.