Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсановду Бишкектеги №1 тергөө абагында аёсуз сабап жатышат. Мындай билдирүүнү Кимсановдун адвокаты таратып, видео тасма жарыялады.
Анын айтымында, Кимсановду 3-апрелде, тергөө абагына түшкөн алгачкы күнү сабашкан.
—СИЗО №1де Эмилбек Кимсановду сабап жатышканы боюнча далилдер колума тийди. Аны сабап жаткандарын баштан-аяк видеого тартышкан. Буга чейин денесиндеги көгала тактар бар сүрөттөрдү жарыялаганбыз. Мунун баары далил болуп эсептелбейби?” — деп айтылат адвокаттын билдирүүсүндө.
Ал эми Мамлекеттик жаза аткаруу кызматы видео тасма иликтенип жатканын кабарлады.