Жогорку Кеңештеги «Кыргызстан» фракциясынан депутат Руслан Чойбеков мандатын тапшыруу боюнча арыз жазды. Бул тууралуу Борбордук шайлоо комиссиясынын расмий сайты жазды.
Мындан тышкары, Борбордук шайлоо комиссиясынын 9-июндагы жыйынында “Кыргызстан” партиясынын тизмесинен Руслан Молдошевди да чыгаруу маселеси каралат.
Руслан Чойбеков 2018-жылы апрель айында Дамирбек Асылбек уулунун ордуна депутат болуп келген. Дамирбек Асылбек уулу Казакстанда аткезчилик боюнча кармалган.
«Кыргызстан» партиясынын тизмесинде Руслан Молдошевден кийин Замирбек Эсенаманов турат.